Manuel Rivas
O extremo da ignorancia é non saber, non querer
saber, o nome das árbores que te arrodean.
A pomba é xornalista. O corvo, ese vagabundo, é
poeta.
Salvou máis xente o porco que a penicilina.
Deus quixo crear a flor máis fermosa e foi pintando chorimas nunha vara, con ese
amarelo que despois recuperou Van Gogh. O caso é que o demo estaba agochado, e
cando Deus marchou foi e pintou as espiñas. Así naceu o toxo.
O normal non é ser normal. O normal é ser
diferente.
Os ollos envían información e logo o maxín traballa
pola súa conta.
Non hai medo máis grande que o medo ao abandono.
O mar existe, entre outras cousas para que o
pintase Lugrís.
A primeira palabra levarache á segunda e esta á
terceira. Edda islandesa.
Na vida, non se poden perder nunca os enlaces.
Todo o que escribes compromete.
Hai intres en que os poucos parecen máis. Como nos
naufraxios.
O que progresa a industria cos enfermos!
